السيلياك مايبرااااش ،مايبراش السيلياك،السيلياك مرض مزمن ،مزمن السيلياك
من بين تساؤلاتكم وتعليقاتكم:
المريض: انا شفيت من السيلياك الحمد الله راني كيفي كيف انسان عادي
الطبيب: مليح شفت بالحمية تولي كيفك كيف الناس وتقدر تمارس حياتك الطبيعية.
المريض: والله مانكدب عليك يا طبيب والله ريجيم تبعتو فترة راحولي الاعراض ممبعد
ورالي فاعل خير واحد العجوزة ڨطعتلي السيلياك وقاتلي حبس الريجيم تلقا روحك بريت
وصح كي حبستو ماولاوليش الاعراض وراني هايل.
الطبيب: علابالك هكا راك تنتاحر وراك تأدي نفسك الى التهلكة وربي سبحانو قال ولنفسك
عليك حق! علابالك علاش راحولك الاعراض⁉️‼️ خاطش مسران تاعك رتاح برا لاه
برا شفي؟؟ خاطش مازادش تلاقا بالغلوتين تحسن وعاود خلق و ولا لخدمتو طبيعية و كي
تعاود دخلو الغلوتين ماحش يديرلك اعراض بين ليلة و ضحاها كيما نهار فقنا لسيلياك اول
مرة يعني راه سنيييين و هو فيك باش فقنالو
المريض: ولاه كي حبست الريجيم ماولاوش الاعراض ⁉️‼️
الطبيب️: كي حبست الريجيم شكون قالك مسرانك راه المليح؟؟!! لاه ما رحتش ڨطعت قبل
مادير الريجيم ⁉️‼️ فبالك كان مادرتش ريجيم ورحت ڨطعت يروحو
الاعراض⁉️ماعلابالكش بلي هكا راه يتآكل وفي صمت و حيوليولك الاعراض بعد فترة
مايهمش طويلة و لاقصيرة و بالاك لا المرة السابقة فقنا للمرض باعراض خفيفة نقدرو
نتحكمو فيها و نعالجوها خاطش كان المسران تاعك جديد الحراس تاوعو كانو اقوياء قدرو
يتكلمو بواسطة الاعراض هادوك بصح درك عياو و نهار يوليولك الاعراض بالاك لا قدر
الله يوليو باعراض سرطان و مانقدروش نعالجوك و ممكن حتى الموت
درك كان نديرلك الفيبرو نلقا مسرانك كامل رايح فيها متآكل وفي حالة
المريض: يا طبيب خوفتني
الطبيب : هدفي مش نخوفك انا نخاف على صحتك نوعيك نفطنك علابالك انا نهار نسمع
مريض من المرضى تاعي مات و لا يعاني مانرقدش الليل انا هدفي ماشي غير نعالجكم
حاب تثقفو تفهمو امراضكم باش مايجيش واحد يكلخلكم علابيها ننفعل نتقلق كي نشوف
المرضى تاعي مش واعيين
المريض:خلاص طبيب درك نولي لريجيم تاعي
